Health Update: Ampangdamgre-o Urban Health & Wellness Centre-ko Marcuise nokdonggae on•a – What Experts Say

Williamnagar, Mar 3: Williamnagar-ni Ampangdamgre gittimo Urban Health & Wellness Centre-ko Mongolbar salo, Meghalaya a•dokni Cabinet Minister aro Williamnagar-ni MLA Marcuise N Marak, nokdonggae on•angaha.

Ia sub-centre-ko nokdonggaanio, East Garo Hills a•jani Deputy Commissioner RP Marak, Superintendent of Police (SP) SA Rynjah, District Medical & Health Officer (DM&HO) Dr Cruzie Elmina N Sangma, gittimni dilgiparang aro gipin sorkari official-rangba dongpae bak ra•angaha.

Ampangdamgre gittimo ia Urban Health & Wellness Centre-ko nokdonggae on•angengon, ia health centre-ko kulianiara, jillarango songdongenggipa manderangna an•seng baljokaniko on•anio kamrangko mangrakbatatna gita a•dok aro ma•mong sorkarirangni nangrime kam ka•anichi chu•sokna man•aha ine a•dokni Cabinet Minister Marcuise N Marak aganaha.

2026-27 bilsini budget-o Meghalaya sorkari, an•seng baljokani kamrangna gong crore 2,472-ko chamataha ine janapatengon, ian a•doko songdongenggipa manderangna an•seng baljokaniko on•anio sorkarini on•kange kam ka•aniko mesokani ong•aha ine Marak parakataha.

Meghalaya a•doko songdongenggipa manderangoni 92 percent-de Megha Health Insurance Scheme (MHIS)-ni ning•o biming segatahani gimin, sanna bananirangko ra•anio bang•a nokdangrangan tangka paisani gita neng•nikanirang bewalan komiaha ineba Marak aganaha.

Ia tom•anio, East Garo Hills a•jani DM&HO Dr Cruzie Elmina N Sangma-ba aganprakengon, ia centre-o jolni manderangna sanna bananirangko on•na man•gnok ine parakataha.

Ia sub-centre-o doctor saksa, gipin kam ka•giparang baksa manderangna dangdike on•anggen ine janapatengon, manderangna an•seng baljokaniko on•na gita ia centre-o ming 12 sanna banani cholrangko on•ani donggen ine Dr Sangma aganaha.

Ia tom•anio, East Garo Hills a•jani Deputy Commissioner RP Marak-ba jinmana aganprakangengon, East Garo Hills a•jao an•seng baljokaniko on•ani bidingo talatangenba, manderangna an•seng baljokaniko on•anio chagrongna nangenggipa neng•nikanirangko on•kange kam ka•enggipa medical official-rangan namatna man•enga ine aganaha. Manderangna dangdike on•engani gimin ua dingtangmancha, an•seng baljokani a•bao kam ka•enggipa manderang pilakkon mittelpilangaha.

Ampangdamgre gittimo songdongenggipa manderangni pal Salgra Ch Sangma aganprakangskaengon, ia gittimona Urban Health & Wellness Cenre-ko ra•bae on•ahani gimin aro dingtang dingtang namroro silroroani kamrangko ra•baengani gimin Meghalaya sorkari aro Williamnagar-ni MLA Marcuise N Marak-ko mittelpilangaha.

Na·simang iakoba nina man·gen: 

Na·simang iakoba poraina man·gen: GHADC election-o susana BJP-ni sak 19 candidate-rangko paraka

na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/ne_media_hub